آنکھوں سے محروم لیکن بے مثال محبت ہے۔۔ بینائی سے محروم پڑھے لکھے میاں بیوی جن کی محبت لوگوں کے لئے مثال بن گئی

“لوگوں کو لگتا ہے کہ ہماری محبت کی شادی ہے جبکہ ایسی کوئی بات نہیں ہماری مکمل طور پر ارینج میرج ہے۔ میرے شوہر اویس میرے بھائی کے دوست تھے اور گھر والوں کی رضامندی سے ہمارا رشتہ ہوا البتہ شادی کے بعد ہم میں اتنی محبت ہے کہ لوگوں کو دھوکہ ہوجاتا ہے“

یہ کہنا ہے ڈاکٹر عائشہ کا جو ایجوکیشن ڈپارٹمنٹ میں اسسٹنٹ پروفیسر کے عہدے پرفائز ہیں۔ عائشہ کے شوہر پروفیسر اویس لاہور کے کالج میں پروفیسر ہیں۔ اگرچہ یہ دونوں میاں بیوی نصارت سے محروم ہیں اس کے باوجود انتہائی خوشگوار ازدواجی زندگی گزار رہے ہیں۔

ڈاکٹر عائشہ اپنی خوشحال زندگی کا کریڈٹ اپنے شوہر کو دیتے ہوئے کہتی ہیں کہ "ویسے تو شادی کے بعد عام طور پر شوہر بیویوں کو باورچی خانے تک محدود کردیتے ہیں لیکن میرے شوہر جانتے تھے کہ مجھے پڑھنے کا کتنا شوق ہے اس لئے انھوں نے میرا بھرپور ساتھ دیا اور میں نے پی ایچ ڈی کرلیا"

عائشہ کہتی ہیں کہ ان ک علاوہ ان کی ایک اور بہن بھی نابینا ہیں۔ رشتے دار والدین کو احساس دلاتے تھے تمھارے بچے معذور ہیں لیکن والد نے ہمت نہیں ہاری۔ یہی وجہ ہے کہ انھوں نے بھی تعلیم حاصل کرنے کے لئے جی توڑ محنت کی اور کسی پر بوجھ بننے کے بجائے خود معاشرے میں اپنا مقام بنایا۔